14 set, 2014

O caso "Pujol" non derriba ó goberno catalán.

O pasado día 11 o pobo catalán celebreu a seu día nacional, contra todo pronóstico a cita contou cunha nutrida afluencia.
A perturbación que o caso " Pujol" xerou entre os cataláns non foi óbice para que o pobo de Cataluña se manifestara orgullosos do seu ser nacional.
Na Diada como ven sendo habitual participaron os partidos nacionalistas ( CDC, ERC e Unió) xuntoa ó PSC que se mostrou disposto a traballar polo federalismo, ICV xunto a outros.
Por outra banda os que non queren "romper España" celebraron o día nacional de Cataluña acompañando a senyera xunto a ambigüaldadas, entre os cales atopamos ó PPC ou Ciutatáns.
O goberno catalán segue decidido a continuar co proxecto soberanista, mentres a xustiza recorda que ninguén está nin estrá nunca por riba da lei.

2 mai, 2014

A PONTE DE MAIO

Por Uxía García| Hostelería | 03/05/2014
Os establecementos hosteleiros de Ourense preveñen nesta ponte ocupacións arredor dun 80 % nos hoteis da cidade, un 70 % en establecementos termais e entre un 50 e un 100 % nas casas rurais da provincia.

O incremento da ocupación con respecto a unha fin de semana normal do mes de maio “é de entre un 20% e un 30%”, dependendo dos establecementos hosteleiros, segundo se sinala na capital. Estas cifras repítense tamén no sector do termalismo onde se acada un 70% de ocupación nos balnearios.

Os responsais das asociacións de casas rurais da provincia amosaban sorpresa polo gran nivel de ocupación que se rexistra para estos días da ponte de maio, “sobre todo tendo en conta o próximas que están as vacacións de Semana Santa” como explica Patricia Cabaleiro, presidenta da asociación Limia Verde, que agrupa as casas rurais das comarcas de Celanova, toda a zona da Limia e Monterrei

26 abr, 2014

WEBSERIES DE FIRMA GALEGA

Por Uxía García| Festivais | 26/04/2014
Ata que se creou o Carballo Interplay non existía en España ningún festival de webseries, celebrándose a súa primeira edición do 24 ao 27 de abril. Segundo explica Sonia Méndez, a súa directora, será un "espazo de comunicación e intercambio entre creadores e creadoras e co público". No mundo contemporáneo, as series emitidas por internet consolídanse como alternativa de entretemento e de novas narrativas para os seus impulsores, que gañan liberdade ao non depender das canles de produción e distribución tradicionais e ao ter a posibilidade de desenvolver o seu traballo con orzamentos moito máis axustados.
Pero como afirma Méndez, a serie web non é "a irmá pequena" da serie para televisión, do mesmo xeito que a curtametraxe non o é ao respecto da longametraxe. Di que "Non hai límites de temática, de xénero...”. Hoxe hai webseries de animación e de imaxe real, documentais, interactivas... Mais non era así, en Galicia, cando a propia Sonia Méndez e Sandra Lesta comezaron con Angélica y Roberta. "Foi case como empezar da nada, pero pouco a pouco fomos formándonos, coñecendo xente. Era unha oportunidade para controlar nós todo o proceso. Podiamos facer o que quixeramos, emitilo nós a través de internet", son as experiencias delas.
Na programación do Carballo Interplay poden atoparse tamén algunhas pistas sobre as tendencias últimas das series web galegas. Desde o documental Palabras secretas, sobre os remedios da medicina tradicional, ata a animación de Un sitio distinto, arredor dun pobo, o seu alcalde e os seus veciños, pasando polo thrillers como Fame, ou policiais como El Quid.
Os premios Mestre Mateo contan cunha categoría de series web na que este ano foron preseleccionadas Clases de lo social, Conversas con Cunqueiro, El Quid, Entre pipas e El viudo quiere mimos. Aínda que, de falar de series pioneiras non habería que esquecer tampouco outras como Non saímos do lixo, exemplo de retranca arredor dos tópicos sobre a identidade galega e a situación da nosa lingua e cultura, ou Amores prohibidos 2.0 de Chévere, experimento de teatro na rede.
O Interplay de Carballo está pensando "para crear ambiente de festival", sinala Sonia Méndez. Haberá conferencias pola mañá, proxeccións pola tarde e concertos á noite. O venres 25 tivo lugar unha mesa redonda con David Sainz e Teresa Segura (Different Entertainment), Felipe G. Gil (Embed) e a guionista Lidia Fraga quen analizaron as novas narrativas audiovisuais na web. Sainz e Segura realizaron tamén a estrea do novo capítulo da serie Malviviendo. Hoxe ten lugar unha master class impartida por Roger Casas, na que se falará de novos modelos de financiamento ou de marcas que precisan novos espazos para dar a coñecer os seus produtos. E tamén o colectivo Embed (Felipe G. Gil e María Yáñez) estreará en Galicia o Código Fuente Audiovisual, unha mestura de conferencia e proxección onde Xosé Touriñán fará unha "videocontada" sobre o imaxinario audiovisual proxectado desde o país. O venres presentarase tamén Freaklances Project, unha empresa xurdida a partir dunha webserie. E nesa mesma xornada estrearase Dos mas dos cinco, de Isabel Coll, financiada por crowdfunding. Están a abrirse, deste xeito, camiños para o financiamento deste tipo de produtos. "Se cadra non se pode vivir das series webs mais tampouco é fácil vivir de facer películas", lembra Méndez.

29 mar, 2014

Retornar o bo camino, un obxectivo.

Por Samuel Vázquez| Crónica Futboleira | 29/03/2014
  • menéame 
  •                                  
  • Chuzar
  •                                    
  • Do Melhor
  •                                    
  • Cabozo
  •                                                                                                        
  • my space 
  •                                  
  • del.icio.us


O Lugo retoma esta tarde a competición en Mendizorroza, un dos campos con máis nome e quizais un dos históricos de toda España e de Segunda División. Os da muralla tratarán de ofrecer a súa mellor versión para retornar outra vez a boa senda dos triunfos. Non gañaron nas tres últimas xornadas, deixando boas sensacións pero sen acadar en algúns encontros o desexado triunfo, circunstancia que non lles apartou dos postos altos da táboa. O choque arrincará ás 18:00 horas.
Quique Setién, verase obrigado a introducir modificacións no once inicial por mor da baixa por sanción de Pavón. O adestrador cántabro anunciou antonte que Tena ocupará o oco no eixo da zaga.Tena, é o único futbolista dos branquivermellos que aínda non participou en competición ligueira. Unha das dúbidas xorde na punta do ataque lucense, lugar no que Juanjo e  Fran Sandaza pugnan por un posto.
O Alavés é un conxunto en horas baixas. Non gaña desde hai dous meses e, antes do partido da última xornada en Riazor, o club entregou o bastón de mando a Mandiá. Os vascos só sumaron dous triunfos diante do seu público contra o Sporting e o Hércules e, a pesar de que mostran facilidade para facer dano na área contraria, tamén sofren de xeito abondo para protexer a súa. Son o equipo de Segunda División que máis goles encaixa e tan só deixaron a porta a cero nunha ocasión.
Viguera é unha das preocupacións do Lugo. O dianteiro do Alavés é o pichichi da categoría con doce dianas e atravesa un momento doce.Todos co Lugo para acomodarse nos postos altos.

Alimentos crus, son máis sans?

 Por Fernando Rodríguez | Nadal | 07/12/2012

  • menéame 
  •              
  • Chuzar
  •                
  • Do Melhor
  •                
  • Cabozo
  •                                            
  • my space 
  •              
  • del.icio.us


A carne crúa non é máis nutritiva que á plancha pero as froitas e verduras son máis vitamínicas ao natural
É certo que o cru está de moda e que hai unha idea xeneralizada de que calquera alimento cru é máis san. E en parte é así, pero só en parte. No universo vexetal si que a froita crúa é máis nutritiva e vitamínica que a cocida e que, en xeral, o mesmo pódese dicir das verduras. Non é casualidade que a OMS recomende que das cinco racións de froitas e verduras que deben tomarse diariamente, polo menos a metade sexan sen cocción. Agora ben, no campo das legumes xa non é o mesmo.
As legumes crúas, de entrada, son menos nutritivas que cocidas porque posúen sustancias chamadas anti-nutrientes que, entre outras cousas, poden dificultar a digestión das proteínas. Non só iso. As legumes crúas son máis indixestas e ata nalgunhas persoas poden resultar problemáticas.
Si se tráta de carne ou peixe, o tema é aínda máis claro. É innegable que o peixe cru ten características organolépticas especiais, pero non é máis nutritivo que o cociñado. Ao contrario. As proteínas son máis absorbibles cocidas que crúas. Ademais, non fai falta recordar que o perigo microbiolóxico do peixe cru é moi superior.
Coa carne sucede algo similar. O deliciososo steak tartar non é máis nutritivo que o clásico filete á grella. Non se escapa a este tema o ovo. En cru ten anti-nutrientes que poden inactivar a biotina ou vitamina B8.
En definitiva, que tomar alimentos crus pode ser moi interesante, pero ten tamén os seus inconvenientes. Non hai que esquecer que a cocción fixo posible ao longo da historia unha alimentación máis segura, máis completa e máis variada.

Liña?que liña?

Por Diego López Guerrero Navarro| Ciencia | 29/03/2014

Co novo descubrimento feito polo científico Jef Boeke e os seus colaboradores, que consistiu en crear  un novo cromosoma a partir da nada, reabriu(outra vez) o sempre intenso tema de : estamos indo moi lonxe?existe unha liña que separe acaso o beneficio humano de creerse deus?Isto xa foi proposto coa famosa Dolly e a súa imaxe clónica e continuo gañando forza coas células nai pero parece que agora empéase a tomar máis enserio dados os avanzes da ciencias.
Todos estes descubrimentos axudaron ao ser a coñecer meñor o funcionamento da vida e mesmo do seu propio organismo(creación de órganos a parte transplantabeis que se formaron a partir de células nai,o descubrimento de enfermedades xenéticas que se creían causadas por fatores externos,e un longuísimo ect) e por iso mesmo dende o meu punto de vista este avance da ciencia ten que seguir sen facer caso de conceptos relixiosos ou políticos, pola mesma razón creo necesario a legalización(baixo unha fonda supervisión) dos experimentos con humanos .

O home ten que avanzar porque é o que o seu intelecto pídelle:a busca de respostas a enigmas(entre este encontramos o significado da vida ou mesmo  a inmortalidade) pero sen perder a súa esencia.Un mundo onde o home non é máis que unha simple ferramenta imnposibilita a búsqueda da verdade que precogniza a nosa razón;a nosa curiosidade ten que ser saciada pero sen devorarnos a nós mesmo perdendo a nosa humanidade(aunque isto último xa se dá hoxe).

O diretor da CRTVG aposta por informar sobre os imputados e "deixar de lado" a outros como Paula Prado.

Por Alexandre Sueiro| Actualidade | 29/03/2014
  • menéame 
  •                                    
  • Chuzar
  •                                      
  • Do Melhor
  •                                      
  • Cabozo
  •                                                                                                              
  • my space 
  •                                    
  • del.icio.us


O director da Compañía de Radio Televisión de Galicia (CRTVG) defendeu o criterio informativo sobre as tramas de corrupción existentes en Galicia e, en concreto, ao ser preguntado polo tratamento informativo sobre a voceiro do PP galego e deputada da Cámara, Paula Prado, defendeu que se priorizar as "persoas imputadas, deixando de lado ao resto de implicados".

"É o correcto", xulgou en resposta ao parlamentario de AGE Juan Manuel Fajardo, posto que este argumento evita "condenar" os que non están imputados polos xuíces. Previamente, asegurara que "non hai trato de favor con imputados, nin discriminación positiva ou negativa".

Na súa pregunta na Comisión de control da CRTVG, Juan Manuel Fajardo preguntou polo feito de que os medios públicos "non fixesen referencia ás conversacións recollidas" no sumario da Pokémon" nas que a voceiro do PP galego "pide enchufes para coñecidos ou admite inflar facturas" na súa etapa no Concello de Santiago. A iso tamén respondeu Sánchez Izquierdo atribuíndoo a unha cuestión "persoal" dunha deputada.

Aínda que recoñeceu que todo o mundo "comete erros", Sánchez Izquierdo defendeu que a CRTVG supera os "estándares de calidade" e se sitúa entre as mellores canles, e remarcou que o tratamento cos casos de corrupción da Pokémon e a súa derivada coruñesa, "son similares ao resto de presuntos casos de corrupción".

Sánchez Izquierdo recordou os límites do espazo televisivo e que se informa do que se considera "de interese" para a audiencia". Tamén remarcou que a información da CRTVG se guía polo "principio de proporcionalidade", que pode "explicar asimetrías" e que é un concepto incluído nos medios públicos que hai que cumprir aínda que se discrepe.

Do mesmo modo, asegurou que se empregan os criterios de "imparcialidade e atención á pluralidade". Ao inicio da súa intervención, e posto que Fajardo centrou a súa intervención en Paula Prado, para quen recomendou presentar a súa dimisión, rexeitou focalizar a discusión nunha persoa en concreto.

Para Sánchez Izquierdo, o tratamento informativo, que "deixa fóra anécdotas" ou rumores, é o "adecuado" co fin de "non contribuír a unha causa xeral que vai en contra" duns e para que "inocentes non sufran de forma inxustificada" a condena dun informativo televisivo.

Esta argumentación empregada polo director do ente público foi motivo de crítica de Fajardo, quen lamentou que utilice as mesmas expresións que o Partido Popular e denunciou o "diferente tratamento" da información nos casos de corrupción cando implican a membros do partido que está no Goberno e con respecto a outras organizacións.

"MANIPULAR"

Así, acusouno de "manipular" a realidade tratando de "salpicar" só a determinados partidos nas diferentes tramas corruptas e "silenciando ou ocultando" o que salpica ao PP. "Cando sae Paula Prado, fano para defendela", acusou Fajardo, en referencia ás conversacións relacionadas coa voceiro do PP galego recollidas no sumario.

Para Fajardo, que denunciou a falta de "equidade" nas informacións da CRTVG, unicamente "gozan de presunción de inocencia" os implicados do PP, mentres que para os demais "non dubidan en empregar titulares culpando" aos imputados.